Jä, s isch meh gsässe worde und s Füdle het mer scho afo weh tue. Nei, es isch gladd gsi, emol die goschdümierte im Summer-Outfit z gseh und e weeneli z schwätze und witzle. Wobi halt so ziemlig jede Verein mit sine Lüt zämme ghoggt isch. Hani doch grad no s Glück gha mit em Peperoni und synere Gumsle, em Gluggsi und em Doggter am Tisch z sitze. Dr letschteri schwätzt, also tönt, denn au so wie an dr Fasnacht.

G'ässe hämmer Grillts mit Pommfritts und eme Salätli derzue. S het gschmeggt. Ha vo e baar Syte ghört: die Pommfritts sin aber guet!

Äggtschen hets keini gäh. D Unterhaltig het unterem halboffene Zält stattgfunde. Die gladde Nudle vom Service hän super bedient. Sogar meh als gnueg d Äschebächer gleert, was uns Raucher (und i dängg au de Nidqualmer) uffgfalle isch.

Empfählenswärt für s nöggschte Joor!

Maint d Nonne vo Hääsige